Di dl plurilinguism

Pratica, tuedes y nrescides y mesuns uperatifs tla scoles de Gherdëina y dla Val Badia

Ai 27 de nuvëmber 2026 nvieia l Departimënt Istruzion, Furmazion y Cultura Ladina duta la persones nteressedes al „Di dl plurilinguism“, n di dedicà ala descuvierta dl valor dl plurilinguism vivù di per di tla scoles dl raion. Nfruscedes, tuedes y nrescides, pratiches y esperienzes cuncretes cunterà dl mpëni dl Departimënt te si sustëni per l'inuvazion didatica, de utl nce per valurisé l lëur da uni di ti istituc de scola dla localiteies ladines tla Provinzia de Bulsan.

L prugram sarà rich de ntervënc y aprufundimënc dedichei al plurilinguism, ala manieres desferëntes de ti jì permez ai cuntenuc tla didatica y ai materiai tëuc ca tla scoles. L unirà oradechël prejentà mesuns y pratiches uperatives svilupedes tl cheder dl'esperienzes educatives dl raion.

Ntan l di uniràl nce pruietà n documenter dedicà ala didatica, che dajerà na udleda cuncreta de viers dl'esperienzes y dla manieres de nseniamënt tëutes ca tl cuntest scolastich dl raion.

Per finé via l prugram saràl na mëisa turonda, penseda coche ucajion de ancunteda y de dialogh danter reprejentanc dla realteies scolastiches deferëntes dl mond ladin. L cunfront piterà na panuramica n con' dl sistem de scola y la politiches linguistiches che l ie tla cin' valedes ladines y lascerà cunëscer mudiei educatifs, manieres didatiches de ti jì permez ai cuntenuc y esperienzes tachedes al nseniamënt dla rujeneda de mendranza y dl'autra rujenedes.

N di per se spartì esperienzes, per mëter ite te n dialogh pruspetives desferëntes y per jì plu sot tl rodul dl plurilinguism te scola.

Iscrizions nchin ai 20 de nuvëmber dl 2026 tres chësc link: https://forms.cloud.microsoft/pages/responsepage.aspx?id=pq36JG81FECMv6oJEZGL_qX_j2_tdUxAnck__OLMJiBUQU9HNTROU04yUUEyNkFIUkNHVVpSVjcyNC4u&route=shorturl

L prugram detalià:

LAD: https://scora-ladina.provinzia.bz.it/lld/di-dl-plurilinguism

IT: https://scuola-ladina.provincia.bz.it/it/giornata-del-plurilinguismo

DE: https://ladinische-bildung.provinz.bz.it/de/tag-der-mehrsprachigkeit

red