Ince les fosses cunta stories

Stüdi sön la crëpa dl grof de Tirol Meinhard

Analisa de na cripta. Tles fosses palsa les porsones defuntes. N valgönes de chëstes á fat la storia. Insciö ince i grofs de Tirol. Meinhard II. â lascé fá la fossa de familia tl convënt de Stams. Atualmënter vëgn les criptes ejaminades, porchël él ince gnü daurí les fosses de Meinhard y Heinrich. Al mancia ciamó i resultac dles analises medejinales-forensiches y biologiches-moleculares cun proes dl DNA, dles analises isotopiches y dl C14 y les imajes tomografiches computerisades. Chëstes gnará fates a Salzburg dal bio-archeologh Jan Kemper-Kiesslich. Le travert sará la recostruziun dl müs de Meinhard. Tla cripta de Meinhard n’él nia ma gnü ciafé nü adulc, mo ince sis mituns, dui ê nasciüs massa adora, dui ê morc apëna nasciüs y dui ê morc canch’ai â dui agn. Dai osc dla cössa vára da ciafé fora l’altëza di grofs: chëra de Meinhard ê de 183 cm y gnô aratada giganta tl 13ejim secul. Chëra de süa fomena Elisabeth ê de 153 cm. I resultac dles analises sará bonamënter danman tl 2025. 

la