L archif de fotografies storiches dla familia Zardini

Ala fin de fauré ie unida sotscrita l'acurdanza per l trasferimënt dl archif fotografich dla familia Zardini da Cortina d'Ampëz al Istitut culturel Micurá de Rü, a San Martin de Tor.

L se trata de n archif da prësciapuech trëicënt mile fotografies storiches, de lastes de spiedl, negatifs, diapositives y stampes fates da deplù generazions de fotografs dla familia Zardini d'Ampëz, a mëter man da Raffaele y da si fëna Antonia Verocai Zardini, ti prims ani dl 1900, nchin a Stefano, che ie mort tl 2019.

Stefano Zardini, nepot de Raffaele y fi de Roberto, tramedoi fotografs de prufescion, à purtà inant l mestier de familia per duta si vita, deventan n foto reporter scialdi cunesciù. Si fotografies y si creazions artistiches ie unides metudes ora te truepa mostres y publichedes sun foliec sëura dut 1 mond, y mei ne n'à 1 fotograf lascià ora n ucajion de pultré ju si montes de ncësa, la Dolomites, cun si jënt y si cultura.

L lëur l à for inò purtà dalone da cësa, ma Stefano univa dainora de reviers cun plajëi, y la gran pascion che là sentì per l paesc, la cultura y la storia d'Ampëz y de l'autra valedes dolomitiches l à purtà a se dé ju cun mpëni y dedizion cun l archif fotografich de familia, chël che ël à pudù arpé ala fin. Do la mort de Stefano Zardini, tl 2019, se à si fëna Valentina cruzià inant dl archif, per ti abiné n post adatà, ma dantaldut per garantì che chësc gran patrimone culturel unissa fat cunesciù deplù y unissa valorisà tres mostres, proiec y scumenciadives che purtëssa inant l'ideies de si uem. La dezijion de ti sëurandél archif storich Zardini al Istitut culturel Micurá de Rü va avisa te chësta direzion, chëla de stravardé per 1 daunì y de valorisé testemunianzes fotografiches de valor straurdiner, tan che uniches.

La cunvenzion de sëurantëuta di archif Zardini al Istitut Micurá de Rü ie unida sotscrita tl Palaz provinziel 1 de Bulsan dala patrona dl archif, Valentina Zardini, y dala presidenta dl Istitut, Lara Moroder, n prejënza dl vizepresidënt y assessëur provinziel dla Furmazion y Cultura ladina, Daniel Alfreider, dl diretëur dl Departimënt Furmazion y Cultura ladina, André Comploi, y dl prim culaburadëur dl Istitut, Werner Pescosta. Aldò dlacurdanza, à śën 1 Istitut ladin I duvier de curé y cataloghisé l material nsci che l possa deventé oget de mostres y publicazions, te n segondo mumënt. Tl prugram d'atività dl Istitut, per i proscimi trei ani, iel nce unì metù ite 1 proiet inuvatif de digitalisazion y archiviazion dl archif Zardini, per chël che la Provinzia à metù a desposizion ressorses aposta.

Ntan la cunferënza stampa che à stlut ite la sotscrizion dlacurdanza, iel unì sotrissà 1 valor nia me material dl archif. L proiet de digitalisazion, cunservazion y promozion dla fotografies storiches dl archif Zardini ie n var cuncret de viers de l'unità culturela dl raion dolomitich-ladin. L vën stravardeda la memoria dl passà, y la vën metuda a desposizion ala generazions che vën do, per crië n liam danter passà, prejënt y daunì dla cumunità ladina y de si storia.

vl (tk)