N bal de iubileum

Te trëi rapresentaziuns de bal por i 20 agn dl Touriseum cunta balarines y balarins la storia dl turism cun de beles coreografies. Le publich vëgn invié da se gode i spetacui.

Rapresentaziuns tl Touriseum. En ocajiun de sü pröms 20 agn presentëia le Touriseum tratan la sajun 2023 deplü rapresentaziuns tematiches de bal cun le grup Aps Danceproject da Balsan. Chësc s’á ti ultims agn fat n bun inom tla scena dl bal y é conesciü por sües rapresentaziuns inovatives y creatives. I pröms dui spetacui tl ciastel de Trauttmansdorff se dá jö cun la storia regionala dl turism. Sot ala direziun artistica de Stefania Martino cuntará balarins y balarines la storia dl turism cun costüms da corusc y de beliscimes coreografies. Na terza rapresentaziun dedicada ala vita dla imparadëssa Elisabeth gnará portada dant d’otober. Le publich podará tó pert a n iade zoruch tl tëmp por descurí les morvëies dla storia de chësta imparadëssa tan conesciüda.

Chisc i termins: 16 de messé, 25 d’agost y 14 d’otober 2023.

er