Pieda via cumpededa dla grupes linguistiches online

La cumpededa anonima dla grupa linguistica per relevé l “proporz” vën per l prim iede nce fata online y spartida dala cumpededa dla populazion.

Tan de stieres publiches y tan de mesun finanzieres che ti spieta ala grupa linguistica ladina, tudëscia o taliana depënd dal “proporz” – l raport danter la grupes linguistiches. Chësc vën relevà tres na cumpededa dla grupes linguistiches. Aldò dl Statut d’autonomia ie l proporz la fundamënta per l’asseniazion dla stieres publiches y per la cumposizion di organs aministratifs y politics. Chëst ann vën la cumpededa fata per l prim iede tla forma digitela. L vën cumpedà duta la jënt che ova ai 30 de setëmber 2023 si residënza tla provinzia de Bulsan. Persones sot a 18 ani vën judedes da si genitores. La cumpededa digitela ie pieda via ai 4 de dezember. I zitadins y la zitadines possa detlaré online si purtenienza o agregazion a una dla trëi grupes linguistiches. Per chësc fin iel de bujën de na identità digitela (Spid), na cherta d’identita eletronica o na cherta servijes. Da duta la persones che ne dà nia ju la detlarazion online vëniel al scumenciamënt dl ann nuef te cësa n funziuner o na funziunera a fé l relevamënt. 

jw/ir