Tla zela frësca

En domënia, ai 2 de messé ará les vijitadësses y i vijitadus dl museum archeologich la poscibilité da imparé da conësce da daimpró la zela de conservaziun de Ötzi. N’ocajiun da ne se lascé nia sciampé.

Ötzi da daimpró. Un n iade al ann pó vijitadësses y vijitadus jí a ti ciaré da daimpró al local de conservaziun dla mumia dl dlaciá. En domënia ai 2 de messé 2023 dales 17.30 éra indô tan inant. Na ocajiun bëgnodüda por sté te n ambiënt frësch tl tëmp plü cialt dl ann! 

La zela frësca, olache Ötzi vëgn bele conservé da 25 agn incá, é na costruziun speziala. Tröc sensurs la controlëia. Te chësta zela él les medemes condiziuns climatiches dl dlaciá – olache l’ël gnü dala dlacia é romagnü ascognü por passa 5.000 agn: -6 degrá celsius y le 99 porcënt d'umidité. La zela é daldöt revestida da platines de dlacia. La mumia vëgn bindicé sprinzada jö cun ega sterila por ch’ara ne s’assüies nia fora. 

La patologa Martina Tauber y le mede legal Oliver Peschel á l’inciaria da controlé la conservaziun y acompagnëia les vijites tl’area de segurëza incër la zela, cun spligaziuns por talian y todësch. Chësta vijita döra indöt 15 menüc y é lapró tla cherta d’entrada al museum. Implü pón dedô ti ciaré al museum fina les 19.00. An ne mëss nia prenoté.

Deplü informaziun sot a www.iceman.it

kh