ITE Raetia de Urtijëi y sport: majeri cuntribuc

L mesun de mëter adum miec furmazion y sport: la pultreda ie unida fata ntan n ejam de amiscion per la sezion dal sport ITE Raetia de Urtijëi.

La Jonta provinziela à deliberà de auzé la soma che vën paieda ora per uni sculé y uni sculea dl ITE Raetia de Urtijëi cun azënt sun l sport. 

„L vën ratà che l vede debujën de auzé l cuntribut che vën paià ora per uni sculé, iel pu dal 2018 incà uni ann deplù iscrizions,“ dij l assessëur cumpetënt Daniel Alfreider: „La va de ti vester da ann a ann ai custimënc, danter l auter per tò a fit i purtoies.“ 

„Per la planificazion da pert dl ITE Raetia iel mpurtant che n posse giapé l finanziamënt tres n cuntribut urdiner, per ne depënder nia uni ann da n cuntribut straurdiner,“ nscila la Ntendënta Edith Ploner. 

Sezion dal sport cun n cunzet de urganisazion nuef 

Na nuvità: cun la Sezion dal Sport dl ITE Raetia de Urtijëi – che se tlama ntant ufizialmënter Ski College – iel la cunlaurazion cun duta la lies dal sport dla valeda, nia mé cun l Schi Club Gherdëina: per jëunes y jëuni dla lies che fej pea pra l pruiet iel l mesun fé doi iedesc al’ena alenamënt cun si lia, bele danmesdì.  

mac/dl